PWD ekawltu LADC a Executive Member Pu L.R Dingliana Chinzah chuan Siachangkawn a LADC Rest House a tlawh.

Pu LR. Dingliana Chinzah, Executive Member i/c PWD etc. LADC chuan nimin Siachangkawn a LADC Rest House a tlawh a. Rest House dinhmun tlangpuite a enfiah.

PWD changtu EM chuan, LADC sawrkar hnuaia Rest House hrang hrangte chu mumal leh changtlung zawka buatsaih chhoh tum mek a nih thu a sawi a. Rest House chu mahni ta anga chei bawl a, thianghlim tak leh uluk taka enkawl turin thawktute chu a chah a. Building thawm that ngai leh, chei thar ngai laite chu a theih anga bawhzui a tum thu leh, a hlawhtlin ngei theihnan hma a lak tur thu a sawi bawk a ni.

Pu LR. Dingliana Chinzah, EM hi Siachangkawn Rest House a thawktu te'n lo dawngsawngin, Siachangkawn khawtlang hruaitute'n an tawiawm a ni.