LADC ah Executive Member pakua lakluh an ni.

Lai Autonomous District Council a ZPM Sorkar, Chief Executive Member Pu V.Zirsanga kaihhruaia Executive Member pakuate chu vawiin khan Lawngtlai DC, Pu Cheemala Siva Gopal Reddy chuan rinawmna thu tiamtirin Executive Member atan a lalut.

Executive Member lakluhna inkhawm, LADC Hall, Lawngtlai a neih hi LADC a Executive Secretary Pu K.Lalthanzara'n kaihruaiin, Lawngtlai DC Pu CHeemala Siva Gopal Reddy chuan Executive Member atan a ruat, Governor in a pawmpui mi pakua, Pu Manghmunga Chinzah, Pu K.Hrekung, Pu Lallawmsanga Apetow, Pu LR. Dingliana Chinzah, Pu T. Lalengmuana, Pu V. Zathanga, Pu CL. Lianzuala, Pu BN. Thangpuia leh Pu L. Lalhmachhuana te chu rinawmna thu tiamtirin a lalut.

He hunah hian Pu V.Zirsanga Chief Executive Member chuan CEM leh Executive Member te hna chanpualtur a puang nghal a, ZPM Legislature Party a mi, Executive Member ni velo, Pu N.Zangura chu Adviser to CEM   atan ruat a nih thu leh Pu Tuturu Singh chu Deputy Chief Whip atan ruat a nih thu a puang.

Pu V.Zirsanga chuan LADC a ZPM Sorkar chu  Kalphungthar in a kaldawn tih sawiin, thilthalo paihin, thiltha zawk ni a langte chu ram mipuitan kalpui an tum tih a sawi a, LADC ah ZPM Sorkarna a pianchhohnan harsatna tamtak an hmachhawn tih sawiin, ram tana thatur ah chuan theihtawp an chhuahzel tur thu a sawia, mipuite chu LADC Sorkar tan tawngtai uar turin a sawm.