.jpg)
Assembly Session ah Zu khapna dan ennawn a, Zu lam chi Wine leh Beer ramchhunga siamchhuaha thlahzalen na tur chuan sawi a hlawhin, ram mipuiah pawh inhnialna a hringchhuak nasa a, Chief Minister in Kohhran an rawn thu a sawi ni a sawite hi, Kohhran lam hian an inrawlhna chin hi sawichiang ve se a duhawm ngawt mai.
Wine Shop kha la awmreng se, kan hmangthiam viau tawh a rinna a awm a, Khaptlatna State ah leitur awmreng tho si ai chuan, awmzeneia zawrh mai hi a finthlak maithei. Thenawm State ah Zu umkhat Rs.500/- man bawr vel, Mizoram ah Rs. 1500 leh a aia to a leitur awmtho bawk si te hian tullova sum senralna a thlen nasat dan hi chhutpeih tan chuan chhut tham a tling ang.
Zu hian kan rinna tichhe tlata ngaihna awm hi paihbo a tula, tun dinhmunah chuan Zu inmiten Kohhran leh khawtlang mit tikham zawnga an awm tlatna chuan Zu hi khhawtlang hian zalen taka chenpui tak tak atan chuan a la pawmtheilo niin a hriat.
State hmasawn leh upa zawkte nen inkhaikhina, an ni State ah chuan...tihsek pawh hi a fuhberlo, thil engpawh hi a nghawnglet laka invengthei kan nih siloh chuan kan tan chhiatna a thlenfo.
Whisky, Rum, Wine leh Beer pawhnise, ram mipuite dinhmun dawmkannan a tha a nih chuan thlah zalen hi, hmasawnna ngawr ngawr enzawn tan chuan tih awmtak a nih a rinawm a, hetihrual hian heng ruihtheihthil te hi kan khawtlang hian chenpui atan a pawmthei em ? tih hi zawhna liantak a ni a, hnam changkang leh hmasawnten zu an thlah zalen anga thlah zalen ve hi he hnam hian tun dinhmun ah a tlin chiah angem tih pawh zawhna pawimawhtak a ni ang.