LADC ah Chairman leh Dy.Chairman an bang, CEM Vote of Confidence neihtheih a nilo. Executive Member pakhat a bang bawk.

Lai Autonomous District Council a Chief Executive Member Pu V.Zirsanga'n thlawptu a neihdan fiahtura vawiin a LADC Session koh chu, Session kaihruaitutur Chairman leh Deputy Chairman ten Session tanhmaa banna an thehluh vangin Session hi neihtheih a nilo.

LADC ah Governor in Chief Executive Member atana Pu V.Zirsanga chu thlahlui February 24 khan a ruat a, CEM atan ruat a nih atanga Ni 30 chhungin House ah CEM in thlawptu a neihdan fiahtura Governor in a tih angin Chairman Pu V.L.Hmuaka chuan vawiin March 18 hian LADC Session a kova, Session tan hmain Chairman Pu V.L.Hmuaka leh Deputy Chairman Pu H.Lalmuansanga ten an nihna atanga banna an thehluh vangin Chief Executive Member, Vote of Confidence neihtur chu neihtheih a ni talo a ni.

Hetihlai hian nimina Executive Member atana rinawmna thu tiamtira lakluh zing a mi Pu BN Thangpuia chuan vawiin khan Chief Executive Member hnenah LADC a Executive Member a nihna atanga banna a thehlut a, Pu BN Thangpuia hi Art & Culture, PHE, Industry leh Co Operation Department enkawltura tih a ni a, chanchin ziaklai hian Pu BN Thangpuia banna hi CEM chuan a la pawmlova, Pu BN Thangpuia hian ZPM Party pawh a chhuahsan lo.