YMA, Vathuampui Branch Golden Jubilee lawmna chu zanin atang khan YMA Hall, Vathuampui ah Lawngtlai West MLA Pu C.Ngunlianchunga hovin tan ani.
Pu C.Ngunlianchunga chuan Golden Jubilee Souvenir Tuichawng tih a tlangzarh a, YMA Vathuampui Branch in kum 50 a tling chu a lawmpui thu sawiin, YMA Member te Jubilee chibai a buk.
Lawngtlai West MLA chuan YMA chu midang chunga hleilena, tharum thawhtur an nilo tih sawiin, ṭanpuingaite tanpuia, Kristian nundan ṭha chawinunga, khawtlang nun siamṭha tura tanla.sauh sauh turin a chah.
Pu C.Ngunlianchunga chuan Vathuampui thalaite chu hmundangah an chhuak nasa tih sawiin, khawi hmunah pawh awm ila, midang tan malsawmna kanni theilo a nih pawn midang tan hnawksak nilo ila, chu chuan mipuitling nitura kawngzawhna nasa takin mintichak ang a ti.
Pu C.Ngunlianchunga chuan thalaite chu ruihhlo laka fimhlim turin a chaha, Mizoram ah ruihhlo zuartute chu mi nunna hmanga eizawngtuah puhin, kan hnam hi ruihhlo hmanga run tham kan nilo tih sawiin, ruihhlo zuarte chu simturin a ngen.
Vathiampui ṭhalaite chu zirna uar deuh deuh tura chahin, mibik tan hna a tama, Pang hnam hmasawn nan leh Pangfate thlamuanpuitur leh tangkaipuiturin lehkhathiam an chhuah tam a pawimawh hle a ni a ti.
Lawngtlai West MLA chuan Pathian leh Lawngtlai West mipui zarah Term thum a zawnin MLA a thlantlin a ni chu lawmawm a tihthu sawiin, hmasawnna hna thawhpui tlakah a bial mipuiin an ngai leh hmasawnna tamtak an thawkho thei chu thinlung takin a lawm hle tih a sawi bawk.
YMA Vathuampui Branch Golden Jubilee hawnna ah hi bialtu MDC, LADC a Executive Member Pu C.Rongura, YMA Sub Hqrs. Lunglei leh Tuichawng Group YMA hruaitute pawn an hmanpuia, naktuk January 8 khian Pu B. Lalchhanzova Minister in Golden Jubilee lawmna hi a hmanpui dawna, Central YMA hruaitute pawh Jubilee lawmna ah hian an tel ang.