Pu C.Lalmuanthanga CEM chuan Raltlante chu an mahni mikhualtute tan hnawksaka awmlo turin a chah.

Lai Autonomous District Council a Chief Executive Member, Pu C.Lalmuanthanga chuan Raltlante chu mikhual an ni tih hrereng tur leh an mahni mikhualtute tan hnawksak a awmlo turin a chah.

Pu C.Lalmuanthanga hian tukin zing khan Central YLA Playground, Lawngtlai ah, Lawngtlai leh a chhehvel a Raltlan awmte tana buatsaih, Football Tournament hawngin, CEM chuan Raltlante chu an ram dinhmun a thatloh vangin an sahimna zawn a ngai chu ram mipuiten an lainat hle tih sawiin, a theih chin chinah an chhawmdawlin an ngaihsak reng a ni a ti a, Raltlante chu thlamuang taka awmtura chahin, hetihrual hian Raltlan an ni tih theihnghilhlo turin a chah bawk.

Pu C Lalmuanthanga chuan Myanmar chu Mizoram a Ruihhlo rawn luhna bupui a ni a, Raltlante chu ruihhlo ah inhnamhnawihlo tura hrilhin, hetiang tihching an hriat pawh thuneitute hnenah thlen zung zung tur leh ruihhlo ram hmelma doturin a rammite tha tichak turin a sawm.

Lawngtlai leh a chhehvel a Ralte tan a Football  tourment hi Dr Matthew A.Pasawng. Principal Grace Theological College Aizawl in a buatsaih niin, raltlante infuih thar nan leh in unauna thazawk a awmtheih nan a buatsaih niin, tun dinhmun ah Lawngtlai District chhung ah Myanmar, Bangladesh leh Manipur atangin Raltlan 8020 an awm mek.