Tukin zingkar khan Lawngtlai District a hman tur Road Safety Week chu LADC a Transport Department changtu Executive Member Pu C.Rongura'n a hawng.
Pu C.Rongura chuan kan ramah lirthei a pung chak hle tih sawiin, Lawngtlaiah pawh Lirthei Double Parking avanga harsatna thleng thei anih avangin, ke a kal mipui ten harsatna an tawh lohna turin Lirthei khaltu ten Double Parking tih loh hram a that thu a sawi a. Mipui kawng kan tur ten ding lam leh vei lama Lirthei tlan uluk taka en chunga kawngpui kan nise chetsualna tamtak kan pumpelh thei ang a ti a, Kumtlinglo 2Wheeler khalh an tam thu sawi bawkin, Nu leh Pa ten kan fate kum an tlin hmaa Lirthei khalh tir lo turin a ngen bawk.
Khuallian chuan Road Safety Week hi a hunlai chauh a hmang lo in, Kumtluan a hman ngai, a bikin Passenger phur chi Lirthei khalhtute tan a pawimawh tih a sawi a, Lirtheia chetsualna a thlen lohna turin Rui chunga Motor khalh hauh lo turin a chah bawk.
Lawngtlaia Road Safety week hawnna hi Pu B.Zothanthuama, President ZDU Sub-Hqrs.Lawngtlai chuan a kaihruai a, Mizoram Gov't Driver Association atangin thusawi ngaihthlak ani bawk.
DTO, Lawngtlaiah Lirthei 10966 ziahluh ani tawh a, Kumin 2024 January Ni 4 atang khan MZ-07 'A' ziah luh tan ani.
Road Safety Week hman anih chhung hian a theih ang angin Lirthei chetsualna laka an him theih nan, mipuite leh Driverte hriattur pawimawh in zirtirna kalpui ani dawn ani.