IKK leh LBK te Kohhran pakhat a an inchhunkhawm kum 25 tlin hriatrengnan Lawngtlai West MLA, Pu C.Ngunlianchunga'n Lairam Christian Medical Centre, Lawngtlai tuala High Mast Lighting a dah chu zanin khan LCMC thuneitute hnen ah Pu C.Ngunlianchunga chuan a hlan.
High Mast Lighting hlanna inkhawm, LCMC tuala neih hi Rev B Zazawna Lai, General Secretary LIKBK chuan kaihruaiin, damdawiin in a mamawh em em, khawlai tihenna thatak mai Lawngtlai West MLA, Upa C.Ngunlianchunga'n a ngaihtuahsak chu lawmawm an tih thu a sawi a, hemi hnu hian Pu C.Ngunlianchunga chuan High Mask hlanna hun hmangin, High Mask bun chu thil awlailo tak a nih thu leh thenkhat tan ho viau anga a lantheih laiin, a buaipuitu lam tan chuan buaipui harsa leh khirh tak a ni tih sawiin, Kohhran inpumkhatna kum 25 tlin hriatreng nan tihtheih neitamlo mahse, High Mast Lighting, a MLA Fund hmanga siam, a hlan thei chu lawmawm a tih thu a sawi.
LCMC kut a hlantak High Mast Lighting hi Rs. 8,65,000/- seng a bun niin, hetiang chiah hi Lawngtlai West MLA hian November 18, 2024 zan khan Bazar Veng Branch YLA kut ah YLA Golden Jubilee lawmnan a lo hlan tawh bawk.