Mizoram University leh Krishi Vigyan Kendra, Lawngtlai District tawngkawp chuan BIOTECH-Krishi Innovation Science Application Network Project hnuaiah loneitute pualin training a buatsaih.
Training hi 14-18th October, 2024 khan loneitu thlanbikte tan KVK Lawngtlai hmunpui, Chawnhu ah neih a ni. He trainingah hian loneitute chu chawhmeh lam chi, thlai hrang hrang, zikhlum, mizo hmarcha, zorin bean, tomato, fanghma, capsicum leh sawhthing chin dan leh hlawk zawk, hrisel zawk bawk si tharchhuak tura tih tur leh tih loh tur te chipchiar takin KVK Lawngtlai a mithiam Dr C. Lalfakawma, Senior Scientist & Head, Dr Vanlalliani, SMS (Horticulture) and Vanlalmalsawmi Sailo, SMS (Soil Science) ten loneitute an zirtir ani.
KVK Training Hall lamah training neihpui an nih bakah, sawhthing hmun tlawhpui an ni a, he sawhthing hmun hi ICAR-Indian Institute of Spices Research, Calicut ten sawhthing bik tana leitha a siam (Foliar spray) hmanga enkawl ni in, loneitute hnenah a hmunah a kah zat tur leh a kah dante an zirtir bawk a ni. Sawhthing hmun bakak hian Mau hmanga man tlawm zawka Polyhouse siamdan leh Polyhouse a thlai chindan a hmunah zirtir an ni.