.jpg)
Tuhnaite ah Lawngtlai MVI chu a kaisan vangin Aizawl lam ah dah a ni a, Lawngtlai MVI hna chu Siaha MVI in kawpturin ruahmanna siam a ni a, ahun a la reilova, thuneitu lam pawn hma an lak nasat pawh a rinawm rualin, MVI hran neilova awm hian harsatna a thlen ve nasat vangin Sorkar hian a ranglama MVI hran Lawngtlai ah a dah thuai hi a tulin, mamawhna a lian khawp mai.
Motor Vehicle Inspector tellova tihtheihloh thil pawimawh tak tak a tama, Siaha atanga kawp a nih hian DTO Office Lawngtlai a MVI dawr duh tan harsatna a thlen nasa a, Lawngtlai a thut huntur talte mumal takin mipuiah puanzar lawk theih nise chuan, tuna hun laklawh, midang la dahhma pawh hian harsatna zualpui chu a sukiang in a rinawm.
A bikin mimal lirthei neitute chuan an tuar nep maithei e, eizawnnan a hman Commercial Vehicle te hi a himtawk leh tawkloh enfiah fo ngai a ni a, Fitness Certificate tello chuan an tlanchhuah a remlo.
Driving License mamawh tan harsatna a thleng chho mek bawk, miin eizawnnan Driving License a mamawh a, Lawngtlai hi MVI in a thutchilh lai chuan harsatna sawitur a awm lemlo.
Siaha MVI tan District dang Lawngtlai kawp hi hna hautak a tling.
Sawitur neuh neuh a awm nual ang, tun hi indemna hun a nilova, a pawimawh ber ni a lang chu rang taka Lawngtlai in MVI hran a neih thuai hi niin a hriata, a tithei ten hma an lak mek lai hian an tha tichak tura tangkaina nei apiang te a tul dan anga tha thawh a ngaih pawn Lawngtlai tan a ni tih hriaa, tanrualna nen hmalakzui a tul a, reilote ah Lawngtlai hian MVI hran a nei leh thuai in a rinawm.