Indegenous Games, Branch YLA te tan Lawngtlai ah neih a ni dawn.

October 31 a tantur Ni hnih awh Mizoram Indigenous Games Lawngtlai a neihna tur leh tulpawimawh dangte nimin leh nizan khan enfel a ni.

Mizoram Indegenous Games hi Doordarshan Aizawl leh Mizoram Indegenous Games Association tangkawp buatsaiha neih thin niin, Lawngtlai District ah hian Central Young Lai Association nen tangkawp in he Intihsiakna hi neih a ni dawn.

Nimin khan Doordarshan lam hotu pahnih Pu T. Siama Producer MIG & PEX DDK leh Pu VL. Thakima Inf. Secy & Co- Producer MIG & DDK bakah  Pu Lalhruaitluanga President Mizoram Indigenous Games Association leh  Pu V. Lalbiaknunga Gen. Secy.  Mizoram Indigenous Games Association ten Lawngtlai tlahwin Central YLA hruaitute nen Intihsiakna neihna tur hmunhma an enfiah a, intihsiakna hi Chandmary Inpui leh Electric Veng Basketball Court ah neih nise an ti.

Indegenous Games huaihawttuturte hian nizan khan Lawngtlai Press Club ah thuthar thehdarhtute leh Branch YLA hruaitute kawmin, hnam infiamna chawinun chu an tumber a nih thu an sawi a, he Intihsiakna ah hian Branch YLA ten Inbuan, Insuknawr, In arpa thai, Inkawibah, Insaihruipawh bakah Lai paih ah te intihsiakna an nei  ang.