Congress Party atanga MDC tlingte lawmpuina hun Lai DCC in a buatsaih.

Vawiin khan Lai District Congress Committee chuan Lawngtlai Bazar Venga an Office ah LADC Inthlanpui neiha an Party atanga MDC a thlantlinte pawmpuina hun an hmang.

He hun hi Pu. C. Kapzaua Vice president Lai DCC kai hruaiin. Pu. H. Rochungnunga Treasurer Lai DCC chuan Pathian hnenah lawmthu sawiin hun a hmanga,  Pu.H.Zothangliana Ex MLA,  General Secretary MPCC chuan MDC General Election Congress party atangin MDC pasarih an neithei chu Pathian awmpuina an Party in an chan vang a ni tih sawiin,  Party mite  thawh hona leh lungrualna leh thawhrim na zar a ni a ti.

Congress  Legislature Party Leader Lawngtlai Vengpui bial atanga thlantlin, Pu C.Ngunlianchunga, MLA, Vice President MPCC pawhin thusawiin, Congress Party in Pathian malsawmna a dawn chu rinawm taka hnathawk kawr haktirtu atan an hman a pawimawh tih a sawi a, Lairam mipuite tan kan inbuatsaih a ngai a, sorkar siamtu ah kan tel ngei dawn a, Lairam tungding turin theihtawpa ke kan pen a ngai a ni a ti.

Tuntum LADC Inthlanpui ah khan Congress Party chuan Bial 25 ah bial 14 chuhin, MD thlantlinte chu :

1) Lawngtlai Vengpui - C. Ngunlianchunga 

2) Chawngte 'P' - Hc Lalengkima 

3) Sakeilui - Sukriti Chakma

4) M. Kawnpui - Premo Kanti

5) Sekulh - Lalrawngbawla

6) South Lungpher - C. Lalmuanthanga

7) Tuithumhnar - H.Vanlaltanpuia te an ni.