Vawiin khan LADC-a Opposition Leader Pu K. Hre Kung chuan, a Room a luah tana, MDC-te leh ZPM Party hruaituten an tawiawm.
Pu K. Hre Kung chuan LADC Sorkar hi hun reitak alo kal tawh thin a, Opposition hruaitu fel leh tha tak tak an lo awm tawh thin a,11th LADC Term hman mekah, LADC Sorkar-a a vawikhatna turin Opposition Leader tan Room pek a ni chu lawmawm a tih thu a sawi. He dawhkan atang hian kan ram rorelna tha zawk leh fel zawka akal theihna turin kan thawkho anga, ka thawhpui zawng zawngte pawhin, he dawhkan hi min venpuia, atul huna thurawn min pe a, min finchhuah thin turin ka chah a, vawiin a min tawiawmtu zawng zawngte chungah lawmthu ka sawi tak meuh a ni, a ti.
Dr. Lorrain Lalpekliana, Adviser to Chief Minister pawhin lawmpuina thu sawiin, Pu K.Hre Kung Opposition Leader LADC in room aluah thei chu a lawmawm tak zeta, LADC tan thil la thleng ngai lo niin ka hriaa, he dawhkan hi zahawm tak leh ram rorelna khalh ngil tura, dinhmun pawimawh tak ani tih hria ila, LADC Sorkar tan pawh thil thar a ni a, hetianga Opposition Leader LADC dinhmun pawimawh taka buatsaih a ni hi kan lawm hle a, Sorkar-na pawh tluang taka kal turin duhsakna ka hlan ani, a ti.
Pu H. Lalmuansanga, Deputy Chairman, LADC pawhin thu sawiin, Political Party hrang hrangah awm kan awm thin a, kan tum ber leh kan Mission chu kan ram leh hnam tih hmasawn hi a ni a ti a, Opposition Leader thatak LADC in a nei chu lawmawm a tih thu sawiin duhsakna a hlan.