Lawngtlai District , Chamdurtlang-I khua ah Buh thar tam Chawimawina hlanna hun vawiin khan Village Council te huaihawtin hun hman a ni a, Pu Lalremmawia Colney District Agriculture Officer Lawngtlai chuan khuallian niin a hman pui.Khuallian Pu Lalremmawia Colney ,DAO Lawngtlai chuan Kut hnathawk tute tan, Chamdurtlang-I Village Council in chawimawina a siam chu inelna thianghlim a nih bakah intodelh tura midang zirtirna thatak a ni a ti a, Agriculture Department chuan a ngaihluin, kuthnathawktute chu theihtawp chhuah a hmalaktirtu a nih zel abeisei thu a sawi a, englaipawhin kuthnathawktute tan Agriculture Department chu a inhawng reng a ni a ti.
K.Lalremkima VCP chuan Vai buh ring kher lova mahni thar chhuah Zo buh eitur chhungkaw engemaw zatin an thar chu lawmawm a tih thu leh VC Award pawh tun VC term mai nilo VC term dangah pawh chhunzawmzel nise a duh thute, khawdang pawn mahni khua theuha kut hnathawk tute Chawimawina chu kalpuise a duhthu sawiin, mahni kan in chawimawi tluka ropui dang a awm chuang lo ati.
Chamdurtlang-I a Buhthar tam chawimawina hlan te hi
Pu Liansailova buh tin-600 thartu,
Pu Zorammawia tin-450 thartu leh
Pu Lalvohbika buh tin-350 thartu te an ni.
Chamdurtlang-I VC Award hi kum kalta atang khan kalpui tan niin, Buh thartam leh Huan siam hlawhtling te hnen ah hlan thin an ni.
Tags
News