.jpg)
Swachhata Hi Seva 2024 , 17th Sept - 2nd Oct, 2024 chhunga hman tur chu vawin khan Lawngtlai khawpui chhunga Zirna in, Kohhran office leh Sorkar office hrang hrangah te Swachhata Pledge sawirualin khuhhawn ani.
Zirna in, kohhran office leh sorkar office thenkhat ah faina hnatlang thawh chhunzawm a ni a, Lai Women Association Branch hrang hrang leh VC te huaihawtin Lawngtlai khawpui chhunga veng hrang hrangah faina hnatlang thawh a ni bawk.
Swachhata Hi Seva 2024 hman chhung hian Lawngtlai khawpui chhunga Sorkar office zawng zawng leh thawktu luah mek quarters, khawpui chhunga kohhran zawng zawng, hotel, restaurants leh thingpui dawr, hospital zawng zawng, zirna in zawng zawng, dawrkai zawng zawng leh lirthei pawl hrang hrang te an dinna hmun theuh te tihfai hnatlang thawk tura beisei an ni.
Swachhata Hi Seva 2024 hman chhung hian Plantation Drive, Eco Club Downtown English School te chu neitura ruahman a ni a , Sanitation Worker, Sanitation Deptt, LADC hnuaia thawkte tan Workshop leh Health Checkup te neih ani ang. High School leh Higher Secondary zirlai naupangte tan Peom leh Slogan writing competition buatsaih tur ni bawkin lawmman hi 2nd Oct, 2024 Cleanliness Week closing function ah hlan an ni ang.