.jpg)
Tuhnaia Ministry of External Affairs a Joint Secretary in Central YLA hruaitute Aizawl a a kawmna ah, CYLA hruaitute chuan ramri hung tumna awm chu tha an tihthu leh Sorkar laipui ruahmanna an thlawp thu an thlen a, kha khan rampumah chaizui a hlawhin, media lam pawh a luah hneh viauin a hriat.
Ramri hung duhlotute hi State Sorkar leh NGO Co Ordination Committee niin NGO CC phei chuan Home Ministry ah an thlen nghe nghe a, an duhloh chhan hi unau kan ni a, daidanna bang chu min thenhran tumna a ni, tih lam hawi a ni ber awm e.
Mizoram a NGO inhlawmkhawmna NGO CC ah hian CYLA hi a tellova, lo tel pawhnise tuna ramri hung chungchanga CYLA ngaihdan hi chu a danglam chuangin a rinawmloh. Myanmar nen ramri thuitak intawm, Mizoram lam chu YLA awmna deuhvek a niin, YLA aia ramri hung thatna leh thatlohna hrechiangtur hi an tamlo in a rinawm a, chumipiahlamah chuan Chin Hills a mite chu Lai hnam nen danglamlo, chi leh kuangah thlahkhat, thisen zawmpui an ni a, inenkawlna leh dan leh thupek chungchangah te, kawng hrang hrangah ramri hung hi tha an ti zawk hian CYLA hian phurthut thilah thutlukna a siam mailo tih a chiang awm e.
Ramri hung a nih hian tawngpawng hungphui vek a ni ngailova, awmzenei zawkin endikna paltlangin inkalpawhna remchang a awm ngei dawn a, CYLA hian kum tamtak lo la awmtur thlirin ramri hung hi a thlawp ta tih a hriat a, a dinna ngaiah pawh a dingtlang ngeiin a rinawm.