LADC ah ZPM leh MNF ten Sorkar intawm siamtumin hmalakna an kalpui mek.

Tunthla Ni 3 a Lai Autonomous District Council Inthlanpui neiha Vote tlate chu December 9 a chhiar a nih hnu ah Party mala Sawrkarna siamthei an awmloh hnu ah ZPM leh MNF chuan Lairam Legislature Party dinin, Sorkarna siam tumin hmalakna an kalpui mek a, Lairam Legislature Party ah hian Member 14 an awm.

LADC Inthlanpui neih ah khan MNF chuan Member ngah berin Seat 25 ah Seat 8 lain, Congress chuan Seat 7 lain, ZPM in Seat 6 an changa, BJP leh Independent ten Seat 2 ve ve an chang.

Inthlanpui Result hriatkim a nih atangin LADC ah Sorkarn
a siam tumin Political Party te ah indawrna kalpui chhunzawm niin, nizan khan ZPM leh MNF ten Sorkar intawm siam turin thutlukna siamfelin, Lairam Legislature Party diin an hruaitu atan ZPM Member Vawmbuk bialtu MDC Pu T.Zakunga an thlanga, vawiin hian  LADC ah Sorkar thar dinturin bawhzui ngaite bawhzui nghal a ni.

ZPM leh MNF ten inremsiamna an neihdan chuan CEM chu ZPM in an chang dawn a, MNF lamin Chairman leh Deputy CEM bak ah Executive Member 3 an chang tel bawk dawn a, tihian ZPM lam chuan Executive Member 5 an chang anga, Executive Member rank tho, hmunawl dang chu Party pahnih infinkhawmna Lairam Legislature Party ten ruahmanna an siam ang.