Lawngtlaia Filling Station ten Tuialhthei chhekkhawlsa an nei mumal tawh lo.

Kawngchhiat vanga Tuialhthei phur te an tlan loh vangin Lawngtlai a Filling Station pali ten Tuialhthei chhekkhawlsa an nei mumal tawhlo.

Vawiin khan DCSO Lawngtlai, Pu Lalrinsanga chuan Lawngtlaia Filling Station te hi tlawhin an dinhmun a enfiah a, F.Rothuama Filling Station leh B.Sangchem Filling Station ah te Tuialthei pekchhuahtur an nei tawh lova, Mizofed Filling Station ah Petrol MS Litres 2600, XP Litres 1000, Diesel litres 5000 an nei a, Mavula Filling Station chuan Petrol Litres 8000 Diesel Litres 42,000 an nei.

DCSO Lawngtlai chuan Tuialhthei khuahkhirhna thupek chhuahin, lirthei milin pekchhuah theihzat a bithliah a, bur a dawh a remti lo.

Lawngtlaia Filling Station te hian Tuialhthei phur kalkawnga tangkhang an nei vek a, tun dinhmun ah an rawn thlen huntur sawilawk hleihtheih a nilo vek.

DCSO chuan mipui chiailotura ngenin, kawng a that ve leh Tuialhthei phur rawn thleng maitur a awm nual a, tlema a harsatlai deuh chuan mipuiten mahni mamawhbak chuangliam neihkhawl tumlo turin a ngen.

Tuialhthei vangchho hian Lawngtlai khawpui ah vawiin lam chuan nghawng liantham a la neilo na a, sumdawng lirthei ten an mamawh ang thuntur an hmuhloh chuan nghawng lian zawk a neih chhoh thuai a rinawm.