Vawiin hi International Day Against Drug Abuse and Illicit Trafficking a ni a, Lawngtlai ah chuan Lawngtlai Police ten Ruihhlo an mansa Rs. 22,931,940/- hu a chhut tihchhiat a ni.
ND&PS Act hnuaia Lawngtlai Police ten Ruihhlo an man te hi Methamphitamine Kg. 17.946, Rs. 22,929,400/- hu, Heroin Gram 42, Rs. 2,300/- hu leh Ganja Gram 80 Rs. 2,400/- hu a chhutte chu District Hospital, Lawngtlaia Bawlhhlawh tihralna ah tihchhiain paih a ni a, Ruihhlo hlut zawng hi International Market a a hlutna anga chhut a ni.
Vawiin a Ruihhlo tihchhiatna ah hian Lawngtlai Police te hi Pu Robert S.Beihrosa SDPO chuan hovin, District Hospital atangin Dr.Lalremruata, Medical Superintendent leh thawktu dang te an tel bawk.
Nikum khan International Day Against Drug Abuse and Illicit Trafficking ah Lawngtlai Police leh District Hospital Lawngtlai tangkawp chuan Rs. 3,40,800/- man ruihhlo an lo tichhe tawh bawk.
Tags
News