Mizoram Volleyball Association in Central YLA kutah chhiattawk tanpuina an hlan.

Mizoram Volleyball Association (MVA) in Lawngtlai khuarel chhiattawkte pualin tanpuina sum Rs 1,00,000/- Central Young Lai Association (CYLA) Hruaitute hnenah a hlan.

Tanpuina sum Mizoram Volleyball Association  ten Central YLA kuta an hlan hi MVA Volleyball Charity Match & Show atanga sum an hmuh tling khawm ani.

Mizoram Volleyball Association (MVA) chuan Mizoram hmun hrang hrang khuarel chhiattawkte tanpui nan a semchhuak a, District Volleyball Association, Lawngtlai (DVAL) Gen. Secretary, V. Lalchhuanzauva'n Central YLA Vice President Pu T. Rohlupuia hnenah nimin khan Rs. 1,00,000/- hi a hlan.

Tanpuina hlanna ah hian Mizoram Volleyball Association (MVA) atang hian -  Pu Donald Khawlhring Vice Chairman,  Pu RK Hmingthanga Jt. Secretary leh  Johny Zonunmawia - Asst. Secretary te pawh an tel.

Central YLA Gen. Secretary  Pu JH. Lalrindika, Vice President Pu C. Rohlupuia leh Central YLA  hruaitudang ten MVA Hruaitute hi lo dawngsawngin, Lawngtlai in khuarel chhiatna a tawh vangin lainata hmangaihtu tamtak te chetchhuahna chu Central YLA chuan lawmawm a tih thu an sawi.

Pu Rohmingliana Zathang Central YLA Executive Member chuan Tawngtaiin  Pathian hnenah lawmthu sawiin, Mizoram Volleyball Association chu an kalzelna turah malsawmna a dilpui.