Lawngtlai District, South Lungpher Govt. Middle School-I chuan Mid Day Meal ah zairlai te hriselna atan a tha tur ngaihtuahsakin, eitur tha an chhawpsak.
Govt. Middle School-I, South Lungpher a Headmaster Pu N.Lalrammawia chuan Pradhan Mantri Poshan Shakti Nirman hnuai ah Mid Day Meal kalpui mek ah, Sorkar laipuiin a beisei leh a duh angin Zirlai naupangte chu Chaw leh chawhmeh ringawtlo deuh pek chu an School chuan thlai leh thei tharlam awm lai chuan an kalpui tih The Lawngtlai Post a hrilh a, Vaimin, Fanghma, Lakhuihthei, Balhla leh Theihai te chhunchaw atan an pek thu sawiin, Mid Day Meal atanga zirlai naupang chhun chaw atana pawisa an hmuh atangin an leikhawm niin a sawi a, mimal inpeten an thei leh thlai an thawhkhawmte pawh a awm niin Headmaster chuan a sawi a, zirlai naupang te pawn an hlutin thingtlang khua an ni a, chaw tha duh ang ang hmuhtur a awm remchan loh vangin, an banphak ah a awmlai chuan kumdangah pawh chhunzawmzel an tum thu a sawi.
Headmaster Pu N.Lalrammawia chuan Thlai leh thei lam chi a awmloh lai chuan Chaw leh chawhmeh bak chhawp tur an neih bikloh vangin Zirtirtuten kumtluanin chawtha hrang hrang pek duh mahse harsatna a awm thu a sawi bawk.
South Lungpher Middle School-I ah hian zirlai 65 an awm mek a, lehkha zir ngawr ngawr piahlam ah kut themthiamna lam te, inchhung khawsakrel nan a pawimawh te naupangte zirtir niin, taksa sawizawina lam te pawh uar takin kalpui a ni bawk.