Young Lai Association Golden Jubilee lawmna kalmek ah Bethel Veng Branch YLA, Lawngtlai chuan an veng chhunga khawsak harsa, mahni In sa theilo an sak sak meka, vawiin khan Lawngtlai DC Pu Cheemala Siva Gopal Reddy chuan a tlawh.
Lawngtlai DC chuan Bethel Veng Branch YLA ten khawsak harsa tana In an sa chu lawmawm a tih thu Branch hruaitute hrilhin, Sorkar atangin PMAY atangin tanpuina ngaihtuahsak tha a tih thu sawiin, BDO, Lawngtlai in a tul angin a lo bawhzui ang.
Bethel Veng Branch YLA hruaitute chuan Lawngtlai DC in midang tana an chetchhuahna hriaa, a hmunah ngei a hmuhpui chu lawmawm an tih thu an sawi a, an beiseiloh leh beisei ngaihna pawh an hriatloh, tanpuina ngaihtuahsak a tum chu lawmawm an ti hle.
Lawngtlai DC hi Branch hruaitute leh VC ten an lo dawngsawngin, DC hi Pu Joseph Lalhmingthanga Chinzah, General Secretary, Central YLA in a tawiawm.
Tarlan tawh angin In hi adung feet 24 avang feet 15 Assam type a sakmek niin zawhfel a ni tep tawh a, an ni chiah hi YLA Golden Jubilee puala midang tana In sa Branch YLA awmchhun ni a hriat ani.