Sumdawng pawl hruaituten Taxation Department changtu Executive Member hmuin, harsatna an tawhte an sawipui.

Vawiin khan LADC a Taxation Department enkawltu Executive Member Pu Sanghuliana Mualchin chu Lawngtlai District Merchant Association hruaituten hmuin, sumdawng ten harsatna an tawh hrang hrangte chinfel a nihtheih nan a hma la turin an ngen.

Lawngtlai District Merchant Association hruaitute chuan chhiah chungchang te Trade License pekchhuah chungchangte, Trade License neilo, pawnlam atanga sumdawng chungchangte Executive Member hi sawipuiin, dan hnuaiah mumal taka phalna neia sumdawnga, chhiah pawh thataka petuten dan palzuttute vangin an sumdawnna in a tuar tih sawiin hmala turin Pu Sanghuliana Mualchin hi an ngen.

Pu Sanghuliana Mualchin, Executive Member chuan, Merchant Association hmalakna hrang hrang alo hriat tawh thu a  sawi a, thawhhona tha tak neih chhunzawm zel a duh tih sawiin, an hnena an thlente chu Official lam te nen an lo zirho a, a tul anga hma an lak tur thu sumdawng pawl hruaitute hi a hrilh.