Chhiah mumal leh felfai zawka lak a nihtheih dantur CEM in LADC a helam kaihhnawih Department hotute a sawipui.

Vawiin khan Lai Autonomous District Council a Chief Executive Member Pu C. Lalmuanthanga, chuan, tha leh mumal zawka chhiah lakkhawm a nih theihdantur helam kaihhnawiha mawhphurtute a sawipui.

Pu C. Lalmuanthanga, CEM chuan LADC in tualchhung atanga chhiah a hmuh thin chu tun aia him leh tha zawka lakkhawm dan ngaihtuah tul a tih thu a sawi a, chhiah tlingkhawm leh lakkhawm dan ah sum kawngbo awmtheite ven a pawimawh tih sawiin Online Payment hmanga chhiah petuten an chhunluh theihdan tur pawh ngaihtuah a ngai tih sawiin, heihian sum kawngbo leh chhiahlakdan felhlel deuhte a ven theih a beiseiawm a ti.

Pu Sanghuliana Mualchin, Executive Member, Taxation Department changtu pawhin, tuna LADC Tax dinhmun leh hmabak a la neih te, hmasawnna tura tanlak a ngaihna lai leh rawtna a neihte a sawi.

LADC Revenue dinhmun leh siamthat ngai laite, chhiah hmuh belh theih dan tur kawngte, chhiah ba awm thin chungchangte sawiho a ni a, thil tul awmte bawhzuitutur tur,  Revenue Resources Mobilization Committee din tha an ti a,  an ni hian   lo zir chiang se, a tuldan angin rawtna an neihte thuneitu sanglam ten bawhzui se an ti.