Borapansury a buaina chhuak chungchangah vawiin khan Chawngte SDO (C) Pu Danial Sailo kaihhruaina in Chawngte a NGO hruaitute meeting an nei a, hnam anga boruak thalo awmthei lakah boruak ralmuang a awm theih nan a theih anga hmalak tha an ti.
NGO Hruaitu kalkhawmte chuan he buaina chhuakah hian hnam anga harsatna lian zawk thleng zui lo se, thil tisualtu chu thuneitu leh roreltu ten an chhungthu ngaihtuahin, a tuartu tur dik takin tuar maise, pawisawilo ten tuar lo hram se an duh thu an sawi.
Hemi chungchangah hian Joint NGO Chawngte chuan vawiin vek khan emergency meeting nei chhunzawmin, thuchhuah an siam a, August ni 19, 2024 a Lawngtlai District Borapansury khua a thil thleng chungchangah Chakma leh Mizo te inkarah buaina awm lova, Mizoram hmun hrang hrang a Chakma awm ten harsatna tawk lose an duh thu an thuchhuahah hian tarlan a ni.
