Kumina Independence Day lawmna Chamdur P-I a neih chungchang ah Branch YMA hruaitute atangin The Lawngtlai Post thudawn chu puanzar a ni a, thudawnna chuan Village Council lam chuan Independence Day hman chungchang ah hian harsatna an siam niin a sawi a, hemi chungchang thukalzel ah vawiin hian Chamdur P-I VCP chuan thuchhuah a siama, thuchhuah hi a ngai ngaiin dahchhuah a ni e.
VILLAGE COUNCIL COURT; CHAMDUR P-I
Dated-23/08/2024
THUCHHUAH
Chamdur P-I, Lawngtlai
District khua in India Independence Day vawi 78-na kan hman dan chungchangah
thudik tawklo thehdarh awm chungchangah thil awm dan chu hetiang hi a ni-
Dated 15 August, 2024(Thursday) a,The Lawngtlai
post-a puan leh tarlan, Chamdur P-I khua a India Independence Day vawi -78 na
hman dan chungchangah Chamdur thalai thenkhat huaihawt a Independence Day
lawmna Organising committee an din leh ruahmanna an siam hi Village
Council/Court, Chamdur P-I chuan kan hriatpui lo a, organising Committee ah
hian telh kan ni bawk lo a ni.
Tin, Chamdur P-I hi Amrit Sarovar khua kan nih avangin , Bungtlang South Block Development officer hnen atanga Independence Day hman dan tur a inkaihruaina lehkha kan dawn chu bawhzuiin, ruahmanna kan siam a; kan ruahmannate khawtlang mipuiten an lo hriat atana vawihnih tlangau tir anih bakah, WhatsApp group ah thehdarh a ni bawk . Independence Day Vawi -78 na hi lehkha kan hmuh ang ngei hian Amrit Sarovar Lungphunna hmunah, zing dar 7:30 -ah mipuite nen hun hman ni in, Hnam puanzar pawhparhna pawh neih a ni a; he kan hun hmanna hi Amrit Sarovar Portal ah hmuh theih a, dah a ni bawk.
Hetiang
a sawrkar atanga inkaihruaina kan hmuhte tha taka bawhzui nia kan inhriat lai
a, thudik tawklo hmang a kan ram ni pawimawh ber boycott leh khawtlang mipui
tan a harsatna siam ang a thu lo darh ta hi pawi kan tia, tun hnuah thleng
tawhlo turin kan duh tak zet a ni.
