Urban Development & Poverty Alleviation Department, Lawngtlai hmalakna hnuaiah 'Safai Apnaa Bimaari Bhagao Campaign' chu kalpui mek a. He Campaign hi 15th July - 31st August, 2024 chhunga kalpui tura ruahman a ni.
Safai Apnaa Bimaari Bhagao (SABB) hnuaiah hian Lawngtlai khawpui a lo fai a, a lo thianghlim zelna turin kawng hrang hranga hmalak mek a ni
Lawngtlai District chhunga Zirna in hrang hranga zirlai leh zirtirtu ten Zirna In leh a compound - tihfai hnatlang an nei tawh.
UD&PA Department, Health & Family Welfare Department leh PHED, Lawngtlai tangkawp ten Zirna In hrang hrang leh Anganwadi Centre- ah 'Awareness Campaign' an nei a. Awareness Campaign -ah hian 'Stop Diarrhoea Campiagn' kalpui nghal nibawkin, Faina leh Thianghlimna, hriselna inzirtirna bakah tui tlan/in mek thianghlim leh thianghlim loh enfiahna hun hman thin a ni bawk.
Lawngtlai khawpui chhunga veng hrang hrang ten mahni vengah faina hnatlang runpui ko in, mahni veng tihfai hnatlang nei mek.
Lawngtlai -III Village Council leh YLA tangkawp chuan 'Helipad' leh 'Prayer Mount' kal kawnga sarang leh plastic thenfai hnatlang an nei.
KMMTTP kawngpui sira bawlhhlawh duh duh na hmuna paih thin chu JCB nen then fai a ni a. NSS, Government Region Higher Secondary School , Sanitation Department (LADC) leh UD&PA Department, tangkawp chuan KMMTTP kawng dung leh kawng sira sarang leh plastic- te thenfai hnatlang an nei bawk.