CEM in LADC huamchhunga Construction company hotute a kawm.

Nimin khan, Pu C. Lalmuanthanga, Chief Executive Member, LADC chuan, LADC huam chhunga Road Construction Company hrang hrang, BRTF, NHIDCL, ABCI, PMPL hotute CEM Conference Hall ah a kawm

Pu C. Lalmuanthanga chuan  Company hotute chu, an hnathawh   hrang hrangah lawmthu a hrilh a, hna thataka thawktura Sorkar leh mipuiin an beisei laiin an hnathawh thenkhat duhthusam lo lai leh muang deuh a awm ni a an hriat thu sawiin, theihtawp chhuahin hna thawkse tih chu an duhber a ni tih a sawi a, Lai Autonomous District Council huamchhunga an hnathawhte chu ram rotling ngei niturin an beisei a, hna a nihtur anga thawhloh a awm chuan LADC chuan a enliam ngawt dawn lo a ti a, an hna thenkhat vanga Central YLA inrawlh ngai hial a awmte chu hriatthiam theih a nilo CEM chuan a ti.

He inkawmhona ah hian Corporate social responsibility fund  hmandan ah pawh ram mipui ten an hlawkpui ngei tur rotling hnutchhiah tum turin Company hotute chu a chah.

Company hotute chuan LADC mai nilo, Mizoram khaw hrang hrangah Covid relief Fund an pek thute, Ambulance leh vantlang mamawh an tih sak thenkhatte an sawi, theihtawp chhuahin hna thawh chhunzawm an tum thu te, LADC Sorkar in an hnathawh a ngaihven chu lawmawm an tih thu an sawi.

Inkawmhona ah hian Chief Executive Member hi LADC a Planning & Development VIce Chairman Pu Laltlawmlova Chinzah in a tawiawm.