Vawin khan Pu Cheemala Siva Gopal Reddy, Chairperson, District Consumer Protection Council hovin Consumer Awareness Programme hman ani.
Govt Region High School Hall, Lawngtlai a he hun an hman hi Pi Margareth J.Vanlalremmawii, SDO(Sadar) Lawngtlai chuan a kaihruai a, Lawngtlai Bawrhsap leh Chairperson, District Consumer Protection Council nibawk Pu Cheemala Siva Gopal Reddy chuan nitin kan khawsakna a kan mamawh hrang hrang, dawrkai hnen a kan leina ah hian, bum kan nih theih dan te uluk taka kan zir chhuah angai tih sawiin, tunge Consumer chu tih te, Consumer chu engthil pawh, khawi atang pawha thil lei tute hi kan ni a, Gas lakna ah te, Ration buhfai lakna ah te, Damdawi zawrhna leh kan mamawh hrang hrang zawrhna hmuna thil leitu te hian kan dikna chanvo kan neihte hi huaisen taka kan hman ngam hi a hun takzet tawh tih thute sawiin, kalkhawm zirlai naupangte fuihna thu a sawi.
He hunah hian Disrtrict Consumer Protection Association atangin Consumer te hriattur thil pawimawh chi hrang hrang inhrilhhriatna neih ani a,Consumer ten Rights kan nei a, chutih rualin mawhphurhna kan nei, kan dikna chanvo hmang ngam turin huaisenna kan neih angai tih te, dawr a kan thil lei kan hrechiang tur ani, a bikin Electronic thil ah Warranty a awm em ? tih thlengin kan chik tur ani tihte ngaihthlak ani.
MHIP Sub-Hqrs atangin Consumer te mawhphurhna tarlanna lemchan tawi thlirho a ni a. Pu Lalrinsanga DCSO Lawngtlai chuan lawmthu sawiin hun a khar ani.