Kaladan Multi Modal Transit Transport Project kawngpui ti a hriatlar chu nikir khawcheng vangin Lawngtlai atanga Kilometres 11 ah kawng chhuat a tlak vek vangin lirthei engchimah tlantlang theih a nilo.
Kawngchhiatna lai hi Er. H.P Zothankhuma Superintending Engineer, Southern Circle, PWD chuan vawiin khan a hmunah en in, siamthat dantur ah ruahmanna hmanhmawh siam nghal niin, kawng chhelai hi a chhiatdan enin thawmthat a, tih zung zung theih a nilova, a chaklam laizauva kawngchhuat sawn turin kosang tak a nih vangin, kawng bal lai chu a hnuai lam atangin a dawmna siama tihthat chu a awlsam dan tur ber ni a ngaih a ni a, tulpawimawhte chaktaka bawhzuiin thuneitu sang zawka kawng siamthatdantura ruahmanna hi thlen nghal PWD hotute chuan an tum.
Kawng chhuat bal lai zauzawng hi Metres 70 vel niin, kawng chhuat balin a nghawng zau zawng hi Metres 200 vel a ni.
Helai kawng a chhiatna chhan hi he kawng chunglam ah Lawngtlai leh Siaha inkar kawng laihna leivung chuan helai kawnga culvert hi hnawhin, heihi kawng a chhiatchhan ber ni a ngaih theih a ni.
PWD hotuten an sawidanin kawng chhiatna laiah hian a helna tur siam pawh a theihloh vangin he kawng hi engchennge a pin dawn sawilawk maitheih a nilo.
Tags
News