Adviser to CM leh Lawngtlai DC in YLA Duty Post an tlawh. Karkhat chhungin CYLA in an kalzeldantur ah thutlukna siam an tum.

Central Young Lai Association in June 24 atanga Rakhine State, Myanmar a dan lova Tuialhthei leh eichawp thil thawnluh a remtihloh chu kalpui chhunzawmzel a ni a, vawiin khan  Lawngtlai daia YLA Duty na hmun chu Adviser to Chief Minister Dr Lorrain Lalpekliana Chinzah leh Lawngtlai DC Pu Cheemala Siva Gopal Reddy ten tlawhin, karkhat chhungin Central YLA chuan an kalzeldan tur relfel an tum thu an lo hrilh.

Central YLA hruaitute chuan mipui mamawh a chatlakloh nan Tuialhthei chu Siaha ah thawnluh zel a nih thu an sawi a, Tuialhthei phur thenkhat chu Myanmar ramri lam a kalpui tur ni a ngaih a nih vangin hren khawtlai hret erawh an nei tih[The Lawngtlai Post] sawiin, Tuialhthei phur an chhuahtir chu diktaka Filling Station ten an pechhuak a nih chuan mipui tan harsatna a thlen a rinawmloh an ti.

YLA Duty na hmun hi Lawngtlai East MLA Dr.Lorrain Lalpekliana Chinzah chuan vawiin khan tlawhin, MLA awmlai hian Lawngtlai DC Pu Cheemala Siva Gopal Reddy pawn YLA Duty na hi a tlawh a, Central YLA hruaitute chuan ramri a danlova sumdawnna chu Sorkar in titawpse an duh thu te, Myanmar lam mi ramri kana zalentaka Lawngtlai District a an luhtheih laia kan unau Bangladesh atanga an sahimna zawnga rawnlutte chunga [The Lawngtlai Post]khauhtaka dan lekkawh a ni chu an hriatthiamloh thute, Rakhine mi Lawngtlai District a awmte an ram lamah nawr haw vek an duh thu te an lo thlen a, an thuthlente chu MLA leh DC chuan an hmazawn ve ve ah hmalak nghal an tum thu an sawi.

Vawiin a kan palaiin YLA Duty na hmun a tlawh lai hian Tuialhthei phur Truck panga, Siaha leh Sangau kaltur pahnih ve ve leh Tuipang kaltur pakhat an tangkhang mek a, MLA leh DC te ngenna chhangin YLA lam chuan tun dinhmun ah chuan an kaldan angin mipui mamawh tawkin Tuialhthei phurte   chhuah  chhunzawmzel a, karkhat chhungin an kalzeldantur ah ruahmanna siam an tum thu an sawi.