Vawin MHIP Day leh MHIP Kum 50 na Golden jubilee lawmna MHIP Sub-Hqrs. Lawngtlai huaihawtin Lawngtlaiah neih ani.
MHIP Golden Jubilee lawmna hi Lawngtlai District chhunga MHIP Branch ten a huhovin Lawngtlai Chandmary inpui ah an hmang a, he hun Khuallian Dr. Lorrain Lalpekliana Chinzah, Adviser to CM, Lawngtlai East Bialtu MLA chuan dikna leh rinawmna chawinun tih thupui hmanga MHIP Golden Jubilee hmangtu MHIP member zawng zawng te chibai bukin, Nu te hi Ram leh Khawtlang tha kan neih theihna tura a ban pawimawh ber te an ni tih sawiin, Hriselna, hausakna. sum leh pai tamtak aiin Nu hmangaihna hian thil tamtak a ti thei zawk a ti a, ZPM Sawrkar chuan hmeichhia te ngai pawimawh in, Minister dinhmun hial a luahtir tih sawiin, kum 1974 atanga vawin hun thlenga MHIP kaihruaitu zawng zawngte an fakawm takzet tih a sawi bawk.
He huna Khual zahawm Lawngtlai DC Pu Cheemala Siva Gopal Reddy pawin Mizo Society ah hmeichhiate ten dinhmun pawimawh tak an luah tih sawiin, inchhungkhurah Chhungkua enkawltu ber an nih thute, Nu tha chu an fate ah a lang chhuak thin, MHIP in kum 50 hmel a hmuh mek lai hian, Ram leh Khawtlang tana an theihna te hmang deuh deuh tura chah in, hmeichhiate dinhmun chawikan tih chu a tak taka chawikan tlak hnathawh an lantir chu an mawhphurhna anih thu a sawi.
Lawngtlaia MHIP Golden Jubilee lawmna inkhawm hi Pi Vanlalhlupuii Fanai, President, MHIP Sub-Hqrs chuan a kaihi a, Hruaitu hlui chawimawina an hlan bakah, Hruaitu lo ni tawh zawng zawng ten Jubilee Dar an vua a. Mimal zai te, Zaipawl te ngaihthlak niin, Chawhnu lamah Variety Programme hlim taka an hman hnu ah, Jubilee ruai an theh.
Tags
News