OFFICE OF THE
LAI DISTRICT CONGRESS COMMITTEE
HEADQUARTERS: LAWNGTLAI
CONGRESS BHAWAN, BAZAR VENG -796891
Dated: Lawngtlai the 22nd July 2024.
MAHNI THUSAWI ANGA AWM LO MIZORAM CHIEF MINISTER KOHHRAN UPA LALDUHAWMA'N, AUTONOMOUS DISTRICT COUNCIL MIPUI MIN HMUSIT
Home Ministry, Govt. of India hnuaia 125th Constitution Amendment kal zelah, North Eastern States huamchhunga Autonomous Council hnam 10(sawm) ten Delhi hmunah meeting neih a, na zawka Home Ministry nawr an tum a. He thilah hian Mizoram a Autonomous District Council Chief Executive Member pathum ten an ram mipui aiawhin Mizoram Chief Minister nilai mek Pu Lalduhawma hmuh an tum a, Lawngtlai West Bialtu MLA Pu C. Ngunlianchunga'n Whatsapp message hmangin Chief Minister a be pawp in, Chief Executive Member pathum te tan amah hmuhna hun remchang siamsak turin a ngen a, a ngenna hnawlsak niin, Lai House DRC in Official a ziakin Chief Minister Addl. P/S hnenah a thlen leh chung pawhin phalsak an ni ta chuang lo a ni.
He thil hi nguntakin Lai-DCC chuan a ngaihtuah a, Pu Lalduhawma hian Lawngtlai leh Siaha khawpui ah amah ngei lo kalin, Dt 23/3/2023 ah Lawngtlai Areopagi ah leh 24/3/2024 ah New Siaha ah thusawina a nei a, heng hmunah ngei hian Direct Funding, Autonomous District Council ten kan hmuh theih nana MNF Sawrkarin a recommend duh loh avanga harsatna kan tawh thu leh, ZPM a sawrkar chuan a pe thei tu nilo mahse, an recommend tur thu chiang takin a sawi a, a video pawh en tur a la awm a ni. (https://youtu.be/FncS3zDO7Z0?si=7RrVumyOGluMv4UI) & (https://youtu.be/Blv-XcWKJp0?si=VUnVYWXciLXakPwN) Hetiang taka kohhran upa meuhin mipui hmaa a sawi lan tawh si, Autonomous District Council pathum Chief Executive Member te ahmu duh leh ta si lo hi kan dem tak zet a, Autonomous District Council mipui te hmusitna ah kan ngai a ni. Heng thilte avang hian Chief Minister Lalduhawma hian Lai, Mara, Chakma mipuite hnenah ngaihdam dil ngei turin kan phut tlat a ni.
Kum 1972 a Union Territory kan nih atanga vawiin thleng hian Chief Minister hrang hrang kan lo nei tawh a, hetiang taka mahni thusawia dinglo, sawi loh ang hlira awm, inti LAL em em, Autonomous District Councils Chief Executive Members te ngaipawimawh lo leh hmuduh lo tu Chief Minister kan neih vawikhatna a ni. Autonomous District Council area atanga ZPM Party in MLA an neih chhun pawh MOS tal
pawh pe phal lo. Autonomous District Councils Chief Executive Members te hmuh duh lo leh ngaipawimawh lo, sawrkar leh Chief Minister kan nei hi a vanduaithlak takzet a, hetiang anih chuan Undivided Chhimtuipui anga Autonomous District Council Pathum ten Union Territory hial kan dil anih pawhin kohhran upa mahni thusawi anga awm thin lo, Chief Minister Lalduhawma vang a ni ang.
Issued by: Lai District Congress Committee Hqrs: Lawngtlai