India hmarchhak a Autonomous District Council sawm (10) hotute vawiin khan New Delhi ah an inhmukhawm.

Hmarchhak a State hrang hrang a Autonomous District Council hotute chu The Ashok Hotel, Chanakyapuri, New Delhi ah vawiin chawhma dar 10 atang khan inhmukhawmin, inpumkhatna leh thawhhona tha zawk a awm theih nan a hmalakdan tur hrang hrangte an sawi hova, Hmarchhak a Autonomous District Council ten dinhmun sang zawk leh hmasawnna tam zawk an neihtheih nan a rawtna awmte sawihovin, an chanvo tur diktaka an chan theih nan a hmalakho tha an ti a, Sorkar laipui a thlen ngaite thlen nghal tha an ti a, a bawhzuina ah pawh lungrual taka bawhzui nise an ti.

Autonomous District Council hotute hi nizan khan New Delhi a Sikkim House ah an lo inhmukhawm tawh a, 125th Constitution Amendment chungchang engemawchen an sawiho tawh chu vawiin a an inhmuhkhawmna ah hian sawizui a ni.

Autonomous District Council hotute New Delhi a inhmuhkhawmna ah hian Mizoram a Autonomous District Council pathum Lai, Mara leh Chakma Autonomous District Council
te chuan aiawh an tir a, Lai Autonomous District Council atangin Chief Executive Member Pu C.Lalmuanthanga leh  LADC Deputy Chairman Pu H.Lalmuansanga te he Meeting ah hian an tel a, Tiprah Morcha Chief, Maharaja Pradyot Debbarma pawh he Meeting ah hian a tel.

Hmarchhak biala Autonomous District Council te chuan August thla hian Shillong ah inhmuhkhawm leh nise an ti a, Sorkar laipuia an thuthlente bawhzui dantur leh hmalakna tur an duan hrang hrang a hmalakna te thlirho nise an ti.