ZORAM PEOPLE’S MOVEMENT
LAI DISTRICT HEADQUARTERS : LAWNGTLAI
Office : Lawngtlai Bazar, Near Areopagi, Lawngtlai - 796891
No. ZPM (LD)/09/IT/2024-26/PR-33 Dated Lawngtlai, the 22nd July, 2024.
PRESS RELEASE
Mizorama Autonomous District Council (ADC)-a CEM nimek pathum Pu C. Lalmuanthanga, CEM LADC, Pu M. Laiko, CEM MADC leh Pu Rashik Mohan Chakma, CEM CADC te’n Mizoram Chief Minister zahawm tak Pu Lalduhoma an hmuh theiloh chungchangaSocial Media-a thudik tawklo darh ta leh, diklo taka kan Chief Minister an mawhpuh hi ZPM Lai District Headquarters Lawngtlai chuan pawi a ti a, hetiang hian mipuite hnenah thudik a puangzar a ni.
1. Chief Minister hmuh tum ADCs CEMs te hian, Deputy Resident Commissioner (DRC) LADC, Lai House : Aizawl hmingin Dt. 17th July, 2024 (Nilaini) zan dar 5 : 00 p.m hnu lamah khan Addl. Private Secretary to the Chief Minister of Mizoram hnenah Chief Minister hmuh an duh thu WhatsApp hmangin PDF in dilna an thehlut a.
2. Chief Minister Addl. PS chuan Dt. 18th July, 2024 (Ningani) ah Chief Minister chu ZPM party office-ah nilenga a thut dawn thu a lo hrilh a, Dt. 19th July, 2024 (Zirtawpni) ah pawh programme a neih vek tawh thu lo hrilh bawk a, ngaichang turin a lo chah a ni.
3. A programme ang ngeiin Chief Minister chu Dt. 18th July, 2024 (Ningani) ah ZPM party office ah nilenga hun hmangin, tlai ban hnuah meeting pawimawh dang a nei leh nghal a, hemi hnu hian Central Agriculture Minister (MoS)leh line department te nena meeting an neih tur pawh cancel ngai hial khawpin CM hi a buai zui ta a ni.
A chunga tarlan point pathumte atang hian, ADC pathum CEM te’n Chief Minister zahawm tak hmuh an tum dan hi, hmanhmawh thiltih leh hun chep tak karah rem leh rem lova hmalakna thil a nih avangin, an ruahmanna hi hlawhtling ta lo a ni a. Chief Minister hmu duh appointment dilna hi tun dinhmunah 350 chuang a awm mek a, kan Chief Minister ngei pawh hian Prime Minister tum hnih leh Union Home Minister tum khat hmu tawhin, Delhi a chhuk a dilna siam chawp lovin, Aizawl atangin dilna a siam hmasa a, a hmuh theih hunah Delhi a pan mai thin a ni. Chutiang chuan kan Chief Minister hian programme tied tak a neih reng thin avangin, tun hnuah chuan amah hmuh tumtu te tan hmuh dilna siam hma lawk a ngai thin a ni tih hrethiam tawh turin ADCs CEM pathumte leh an party mi zawng zawngte kan ngenin, kan hrilh hre nghal bawk a ni.
Tin, Pu Lalduhoma kaihhruai ZPM sawrkarin keini hnam hnufual leh tlem zawk ADC area-a chengte hmasawnna tur leh changkanna tur min tih hlawhtlin sak tawh leh hma min lak sak tawh tam tak zingah, kum 2020-a District Council rorelna in a lo pass tawh MDC leh ex-MDC te hlawh leh hamthatna tih pun chungchang MNF sawrkarin hun rei tak a lo tih hlawhtlin duh loh chu, Pu Lalduhoma kaihhruai ZPM sawrkar chuan an sawrkar atanga thla 2/1 lek chhungin ADC te min ngaihsak zia lantirnan min tih hlawhtlin sak nghal a. Kum 2023 – 2024 LADC budget aiin, kum 2024-2025 LADC Budget-ah pawh cheng Nuai 3,238.49 zetin Grant in Aids hnuaiah pawisa min pek belh a ni. Tin, Mara Tribal Girls Hostel, Delhi hmuna sak tur MADC Sawrkar suma a hmun lei tawh, Article 275 hnuaia Rs. 700 Lakhs sanction tawh chu, MNF sawrkar hmasain a hren sak reng tawh hnuah Pu Lalduhoma kaihhruai ZPM sawrkar chuan rang takin an kut (MADC) ah a hlan nghal bawk a ni.
Pu Lalduhoma kaihhruai ZPM sawrkar hmalakna a chhim lam mipuite inkalpawhna kawng pawimawh tak ni tur Tuipui Ferry-a Lei (Bridge) dawh project hlawhtling mai tawh tura beiseite leh, a chunga tarlan loh, Pu Lalduhoma kaihhruai ZPM sawrkarin ADCs mipuite mamawh hmasawnna kawng hrang hranga hma min lak sak tawhna awm tawh leh awm mekte hi Pathian leh sawrkar zarah a hlawhtlinna engemaw zat kan la hmuh belh zel kan beiei a ni.
Issued by :- Media, IT &
Publicity Department ZPM Lai District Headquarters, Lawngtlai