Rakhine State, Myanmar a Oil leh bungrua thawnluh Central YLA in a khapmek chungchang leh Siaha a Filling Station neituten vawiin atanga tiamchin awmlova Filling Station an khar thu leh Central YLA in Siaha a luttur Oil Tanker te an dan vang ni a an sawi chungchangah The Lawngtlai Post chuan Central YLA General Secretary Pu Joseph Lalhmingthanga Chinzah bepawpin, Central YLA General Secretary chuan Mizoram sawrkar phalloh leh Chhimlam District pathum a DC te leh DCSO ten khapna thuchhuah an neih hnu ah pawh tun thleng hian Siaha District ah chuan Petrol leh Diesel blackmarket in Burma ah thawnluh a la tawp lo niin a sawi a, explosive license neilo in mimalin barrel in diesel leh petrol an phur a thin a, Central YLA chuan heihi tha kan ti lo em em a, kan thiam dan angin hma kan la mai a ni a ti.
Central YLA General Secretary chuan heng oil black market kaltlanga Arakan Army kuta lut hian Myanmar ramchhungah kan unau Chin unaute Arakan Army ten an beihnan an tha tihchakna a nih vangin Central YLA chuan kan unaute beihnatur hmanrua thawnluh hi kan duhlo a ni a ti a, he thilah hian Mizoram sawrkar leh mipui tamzawk kan tanrual laia a do zawnga hma la tlem te awm te hi a pawi hle a ni, Central YLA General Secretary chuan a ti.
Pu Joseph Lalhmingthanga Chinzah chuan Sawrkar thuneitu ten hma tha taka an lak theih chuan Central YLA chuan he thilah hian inrawlh a tulna an hriatloh thu a sawi bawk.
Tags
News