Editorial || RAMDANGMI HLANG AWMNA KHUA A AWM NI A SAWI HI.

Lawngtlai District a khaw pakhat chu ramdangmi hlang chenna ni hiala sawi a ni a, he khua hian Village Council hran neiin, tun hnaia VC inthlanna ah erawh chuhtumten endikna an paltlang loh vangin inthlanna neih theih a ni ta lova, hemi piahlam pawh hi sawibelh tur a awm awm e.

Thilmak deuh mai ni ta chu, ramdangmi hlang ni a ngaihtheih ten Lawngtlai District chhungah a hrana Village Council nei thlapa khua an dinthei lai hi a ni a, din a nih tirhlai chuan tunang hian ramdangmi cheng an tamlo te pawh a niturah ngai ila, hetianga tundinhmun ah ngaimawh thama a awmta hi ngaimawh awmreng a ni a, thuneitu lam leh hmalatheitu lam ten engang hmalakna nge an kalpui dawn tih hi mipuiin an thlir ber a ni dawn.

Election kalphungah VC hran nei an nih vangin tuntumah inthlang theilo mahse, inthlan hi buatsaih turin hmalakna a awm leh thuaiin a rinawm a, a tul a nih chuan District mipui tangrualin NGO hrang hrang ten an dinhmun diktak hi thuneitu sangah thlente pawh hun lo awmzel turah invenna thatak pawh a nih a rinawm.

Lawngtlai District hi Myanmar leh Bangladesh nen ramri thuitak intawm a nihna hi ramdangmi tan nek a nawmna laitur a ni a, ramri hrul ah hian Sorkar laipui hi fir viau anga a lanlai hian a michengte tan duhkhawplohna awmthei a nih tho vangin, ram leilungfa zawk ten thikthu tihchhiat deuh te pawh hi a tul hun a awm nasa tual tualin a rinawm.