Jt.NGO Chawngte in Sorkar nawr nan a School kaitur an dan an chawlhsan lailawk, Tawpsan erawh an tumlo.

Joint NGO Chawngte chuan CADC huamchhunga thawktur lakdan ah thil fello a awm ni a hriaa, Sorkar an nawrna ah thu chhia, thutha engmah an la dawnglo tih Joint NGO Chairman Pu Joseph Lalchhingpuia chuan The Lawngtlai a hrilh a, School kaitur an dan chu Zirlaite hmakhua ngaiin tawpsan lailawk an remtih thu Joint NGO hruaitu chuan sawiin, tawpsan lailawk chauh a ni a, an chhunzawm leh dawn leh danwloh  erawh an la inranwkhawm tur thu leh, Sorkar an nawrna erawh theihtawp chhuaha chhunzawm zel an tum tih Pu Joseph Lalchhingpuia chuan a sawi.

Chawngte a tlawmngai pawl in zawm khawm Joint NGO te chuan tun hnaia Chakma Autonomous Dist Council huamchhunga hnalak chungchangah dikna aiin Politics inrawlhna avangin harsatna a thleng mek a ni an ti a, hemi chungchangah sorkar nen tha taka inbiakna a kal theih loh avangin Ni hnih chhung Zirna IN an khar tawh

Joint NGO thuchhuah tarlan danin kumin May 19 – 23 inkar chhunga Block Resource Centre, Kamalanagar, Chawngte (CADC area bik tân) a thawk tûr Samagra Shiksha, Mizoram Foundational Stage Helper leh PM SHRI Music Instructor, Sports Instructor leh Hindi Instructor tûr Interview kaltlanga lâk chungchângah Joint NGO Chawngte chuan diklo taka hnalâk a awm ngeia a hriatna an nei a, interview Board member te pawhin dik tak leh fair taka a thiam leh phû te ngêi lâk an tum laiin, CADC ZPM District Headquarters President,  Pu Karan Dewan, leh a thawhpui te’n he hnalâkah hian an duhsak zâwngte hnaa lâk an nih theih nân party chakna hmangin hma an la a, Recommendation List siamin Interview Board member te hnênah an duhsak zawng la tûrin Recommended List an thehlût a, an recommended list za a za titling tûrin an nawrlui zui bawk a ni.

ZPM Party, District Headquarters, CADC hruaitute chuan an duhsak zâwng za a za la tûr leh chutiang an tih loh chuan transfer an nih tûr thu thleng a ṭawngkâa Board member an lo vau tawhna bawhzuina nia ngaih theih tûrin Pi Juhnee Chakma, Interview Board Member Secretary, BRC, Kamalanagar, Chawngte-a attached a awm mêk chu June 25 khân a post ngaia awm tûrin Repatriate Order tihchhuah anih thu an sawi a, Joint NGO Chawngte chuan Pi Juhnee Chakma Transfer anih dânah hin thil dik lo a awm ngei a ni tih a hria a, Interview Board member te ngêi pawhin an chhia leh ṭha hriatna hmang ngam lo khawpa Political Pressure an nei a ni an ti.

Joint NGO Chairman, Pu Joseph Lalchhingpuia chuan Pi Juhnee Repatriate order chu sut turin Mizoram Sorkar an ngen thu sawiin, thu lawmawm chhanna an dawn loh avanga lungawilohna lantir an nih thu a sawi.