Lawngtlai District MJA ten P&E, E.E hovin Green MJA Day ah 132 KV Sub Station, Chawnhu chhehvel ah Thingtiak an phun.

Kum 2016 atanga kumtin Mizoram Journalists' Association Lawngtlai District ten Green MJA Day an hman thin chu vawiin khan Lawngtlai bul Chawnhu a 132 Power Sub Station chhevel ah Thingtiak an phun.

Green MJA Day hmanpuitu Executive Engineer Er.David Chakma, Lawngtlai Power Divion chuan Chanchinbumiten  Environment humhalha chhehvel boruak tha vawnnun a nihtheih nan a Thing an phun chu lawmawm a tihthu sawiin, vawiina an Thing phunte chu P&EDepartment ten an enkawlzui tur thu a sawi.

MJA Lawngtlai District President Pu Elvis Lalthangzuala chuan Chanchinbu kaltlangin Thingphun uar a ngaihthu an ziah thin chu, mahni ngei thawkchhuaka a theih ang anga Thing phun belha enkawlzui chu MJA Lawngtlai District chuan a tul tih hriain hruaitu hmasate ruahmanna lo neihtawh chu kumtin chhunzawm a ni a ti.

Green MJA Day hi Mizoram a District hrang hrangah Lawngtlai District MJA chiah hi hmang thin awmchhun niin, kumtinin Thingtiak phunbelh leh an phun tawhsa thawmthat leh enkawlzui nan an hmang thin.