.jpg)
Central Young Lai Association chuan Myanmar atanga an sahimna zawnga rawnlutte nawrkir leh nawrkir tuma hmalak a nih ngailoh lai leh zalen taka an rawnluh theih laia Bangladesh atanga kan unaute an sahimna zawnga rawnlutten harsatna an tawkfo chu hriatthiam har an tihthu leh an chungah hetiang hi thlengzui tawh lose an duhthu Sorkar thuneitute hnen ah an thlen a, heihian Bangladesh raltlanten harsatna an tawh nasat thin zia a tilang chiang awm e.
BSF ten an nawrkir fova, an sahimna an zawnna lam ah, an himnatur an panna ah harsatna an hmachhawn nasa viau thin a, Chief Minister pawn Prime Minister ah a thlenthute hriattur a awm a, nimin mai ah pawh BSF te hian Police kut ah raltlan 126 an hlan a nih kha.
Hun hmasalam ah pawh nawrkir an nithin a, engemawlai deuh khan nawrkir lemlova kalphung mumal deuh a ngaihtheihin BSF te hian District thuneitute kutah an hlan mai thin a, hun a inher deuh a, nawrkir tuma hmalakna chu hriattur a awm chho leh ta ani.
Heng Bawm raltlante hi an lainatawm takzet a, ramhnuai pilril ah nunau, tar chaklo leh damlo chung ten an sahimna zawngin Lawngtlai District an pana, an kalkawng hi a hahthlakin an khawngaihthlak khawp mai.
Tunhnuah chuan kalphung awmzenei leh mumal deuh hi BSF leh Sorkar lam hian neithei sela a duhawm takzet a,Chief Minister in Mizorama rawnlutte chu State Sorkar mawhphurhna a ni a tih hi huaitakin kaltlangpui nise, raltlanten an rawn luhna khua hruaitute pawn raltlan an neih chuan rangtakin Sorkar ah thlen zung zung se, harsatna tawh tamtak hi sutkian ni chhozel se a duhawm khawp mai.