Dr.Lorrain Lalpekliana Chinzah chuan Mega Oil Palm Plantation Drive neihna ah Chamdur Project hmangtangkaiturin Sorkar chuan hma ala mek a ti.

Vawiin khan District Agriculture Office tual Lawngtlai atangin Adviser to Chief Minister (Agriculture) Dr.Lorrain Lalpekliana Chinzah chuan Mega Oil Palm Plantation Drive pualin Oil Palm tiak, kuthnathawktute hnena pekchhuah tur a vailiam.

Mega Oil Palm Plantation Drive hi DAO Lawngtlai Coference Hall ah Pu George Lalthanngura Jt. Director Agriculture kaihhruaina hnuaiah neih niin Lawngtlai District a Oil Palm chingtu thlanchhuah te an tel a, he hun a khuallian Dr.Lorrain Lalpekliana Chinzah chuan India chu hriak ah a intodelhloh vangin Oil Palm chu hriak a intodelhtur leh mamawh phuhruk nan kuthnathawktuten uar zawka an chin chu Sorkarin a ngaipawimawh hle tih sawiin, tuna chingmnekte chu thahnemngai zawka hmalatura chahin, la ching velote pawn Oil Palm chin chu innghahna tham tling a a nih vanga luhchilh turin a sawm.

Adviser to Chief Minister, Agriculture changtu chuan Lawngtlai District a Chamdur Project chu tangkai zawka hman a nihtheih nan Sorkar chuan a ngaihven hle tih sawiin, a hmunhma enfel hna thawhzawh a ni tawh a, hmalakna hmasa atan cheng Vaibelchhia 600 vel senngai tur chu sum hmuhtheihna tur dap mek a ni a ti a, Chamdur Project chu buh leh bal thatna hmun niin kuthnathawktute tan luhchilh tak tak tlaka siam tumin ruahmanna neihchhoh mek a ni a ti.

Vawiina Lawngtlaia Mega Oil Palm Platation Drive neih na ah hian Agriculture Department nena thawhdunna nei   Patanjali Food Limited hotute chuan Lawngtlai District chhung, Liapha ah Oil Palm sawrna khawllian bun tumin hmalakna thuitak kalpui a nih tawh thu an sawi.

Vawiin a hun hmanna ah hian Oil Palm chingtu hlawhtlingte atangin thusawi ngaihthlak a nih bak ah kuthnathawktute hnen ah Oil Palm lawhna hmanrua pek an ni bawk.