 |
| The Lawngtlai Post |
Vawiin khan Lawngtlai District Election Officer, Pu Cheemala Siva Gopal Reddy, Lawngtlai DC chuan a Office Chamber ah Lawngtlai Chanchinbumi panga te Certificate of Appreciation a hlan.
Pu Cheemala Siva Gopal Reddy chuan Assembly inthlanpui, Lok Sabha inthlanpui, Village Council Inthlanpui leh Lawngtlai Chandmary MDC by election ah te Chanchinbumite chuan an hmazawnaah an thawhhlawk hle tih sawiin, heivang hian an hnathawh chu District Election Office chuan a ngaihluin Certificate of Appreciation in a hlan tih a sawi a, DC chuan Lawngtlai Chanchinbumite chuan Print Media piahlam ah Internet khawvel luhchilha, mipui hriattur paiwmawh tak tak an thehdarh zung zung thin chu chhuanawm a tih thu a sawi a, nasa zawka tan la sauh sauh turin a fuih.
Chanchinbumi, Certificate of Appreciation DEO in a hlan te hi.
1. Lalngheta Ralte Correspondent, Prasar Bharati,Lawngtlai District, Editor The Lawngtlai Post.
2. Lalchharliana, Correspondent, ZONET Lawngtlai District
3. Elvis Lalthangzuala Editor Rautha Daily Newspaper,.Lawngtlai
4. ZD Dengngura Editor, Phawngpui Express
5. H.Lalrinmawia Editor, Rameng te an ni.
Chanchinbumite chuan an hnathawh hriatthiamsaktu DC an nei chu lawmawm an tih thu sawiin, Lawngtlai District in hma a sawn theih nan a Sorkar hmalakna chu theihtawp chhuaha an tawiawm thin thu leh Election bikah pawh lawmman hmuhtumna an neih ngailoh thu sawiin, an tihtur an tih mai thin thu an sawi a, hetianga an hna an thawh mawlh mawlh laia Sorkarin an hnathawh a ngaihlu chu lawmawm an tih thu an sawi.
Chanchinbumite Certificate of Appreciation hlanna ah hian District Election Officer hi Pu Denny Lalchhuanawma Election Officer in a tawiawm.