Central YLA chuan Siaha pantur Tanker tikhawtlaitu an awm ni a an hriat thu an sawi
Central YLA hruitute chuan Dt. 1. 6. 2024 zan khan Siaha-a unload tur Tanker pahnih chu Lawngtlai atangin chhuahtir an ni a, kawng lakah tikhawtlaitu an awm avangin tun pawh Siaha an la thleng lo niin an sawi.
Zanin ah hian Tanker 2 chhuahtir leh tum anih laiin, Siaha kawng, Lawngtlai leh Bawngkawn inkar ah leimin in kawng a hnawh pin avangin eng motor mah a tlang thei lova naktuk ah Kawng a tlang hunah chhuah tir a nihtur thu an sawi.
Tanker chhuah tir tawh chu tikhawtlaitu an awm niin Central YLA chuan a hria a, tuna chhuak leh tur pawh hi chhuak lo tur a ruahmanna siam saktu an awm niin an hre bawk. Hetiang a mipui mamawh pek chhuah anih mek lai a tikhawtlaitu tu an awm chu Central YLA chuan mak a tiin awih harsa a ti a, hetiang hi thleng tawh lose an duh thu sawiin, atul ang zel in mipui te tan Central YLA chuan hma a lak zel tur thu an sawi.