Vawin khan Lawngtlai Chandmary Bial by election neih zawh taka MDC a thlantlin Pu C.Lalsawmzuala chu LADC Chairman Pu V.L Hmuaka'n rinawmna thu tliam tirin MDC atan a lalut.
He huna thusawitu Pu C.Lalmuanthanga, CEM chuan LADC ah hian kalphungthar aiin kalphung dik kan mamawh zawk a ti a, kalphung dik zawh turin MNF leh INC intawm Sawrkar a kal mek a, he Sawrkar hi langtlang Sawrkar anih theih nan dik tak leh fel taka rorelna kalpui zel a tum tih sawiin, rinawmna thu tliamtir a lakluh tak Pu C.Lalsawmzuala chu awm mai mai tir an tum loh thu leh, dawhkan nei a, chanvo pawimawh tak a chelh tur thu a sawi.
Pu C.Lalsawmzuala, Lawngtlai Chandmary Bial atanga MDC a thlantlin thar pawhin thusawiin, inthlan hma atanga mipuiten rinthu a an sawi, MNF an tlin chuan LADC Sawrkar a Congress CEM hi an paihthla ang tih chu beiseina beidawnthlak anih tur thu sawiin, LADC Sawrkar kal mek chu nghet taka a kal theih nan ka theihtawp chhuah in ka veng tlat dawn a ni ati a, mirinawm tlemte avangin LADC Sawrkar chu nghet takin a kal zel dawn a ni ati bawk.
Pu C.Lalsawmzuala lakluh inkhawm ah hian LADC a MDC te bakah, Pu H.Zothangliana Ex-MLA bakah LADC hnuaia thawk Officer te leh Party mi thahnem tak an kalkhawm a. Pu C.Lalsawmzuala chu LADC CEM bakah MNF leh INC atangin lawmpuina thilpek an hlan.
Hetihian tun dinhmunah LADC a Elected MDC 25 awmna ah MNF in MDC 13 neiin, ZPM in MDC 10 an nei a, INC leh BJP in MDC 1 ve ve an nei mek.
Tags
News