.jpg)
KMMTTP kawngpui laih a nihtan atangin vawiin thleng hian he kawngpui hi ram mipuiten an chhawr tangkaidan tur hi sawi a ni fova, hmalakna mumal erawh hmuhtur leh hriattur a la awm lo hi a pawi a, ruahmanna mumaltak nen hmalakna hi kalpui a hun tawh khawp mai.
KMMTTP kawngpui hi Zorinpui thleng hian kawngkam chu ram hnuai a la ni deuh vek a, huan thlai chinna hmun hmuhtur a tamlo, chutiang bawk chuan he kawngpui behchhan a huan thlai ching hmuhtur hmundangah pawh a awm mumallo hial awm e.
A pawimawhlai ni a lang chu, Sorkar lam hian mumaltakin ruahmanna neise, eng thlai nge ram mipuite tan chin hlawk ang, engtinnge an chin theih ang tihte zirchiangin awmzeneiin ramruak hi hmantangkai dan zawng se a duhawm a, tuna kan dinhmun ang atang chuan ramri a Kudam vel a bungrua load leh unload vel ah, a taima fal deuhten inhlawhna an neite, kawngkamah Hotel leh Thingpui dawr ten he kawngpui an tangkaipui tih bak chu tangkaipui viauna tur hi a tam lo maithei, bungrua phur Truck lian pui pui thawm bengchheng leh Diesel khu leh meizial bung bak hi chan kan nei mumallo ang tih a hlawhthawn khawp mai.
KMMTTP behchhan a ram leilung faten hmasawnna an neihtheih dan tur hi a nachang hria leh titheitan Project lian tak siam tham a tlingin a hriat a, helam hawia hmalakna hi hetiang lam hawi veite chuan an thlir ber pawh a ni mek in a rinawm.