Vathuampui, Lawngtlai District a Joint NGO chuan thuchhuah siamin, 17th June, 2024 (Monday) tlai lam dar 4:00 vêl khân Parva a awm Assam Rifles Major. Harsimrap Singh-a hote chuan Bangladeshi Refugee chungchângah Pu C. Lalvuanthanga, Vathuampui VCP chu hmuin an indawrna ah Assam Rifle hotu hian VCP chu thamlo leh hnuaichhiah takin a ti ni a sawiin, an lungawiloh thu leh Assam Rifle Major hi thuneituten a chungah hremna lek se an duh thu June 18, 2024 khan thuchhuah siamin an tarlang a.
Hemi chungchang ah hian Central Young Lai Association General Secretary Pu Joseph Lalhmingthanga Chinzah chuan Assam Rifle hotu, Lt Col. Raju Mondal chu vawiin khan thilawmdan a sawipui a, Assam Rifle hotupa hian Headquarters atanga thupek an dawn angin India ram chhunga raltan zalen lutuka lut leh chhuak chu enfiah tura tih annih thu sawiin, India khua leh tui Lawngtlai District a cheng mipuite thawhpui tura awm annih thu leh Central YLA leh Lawngtlai District mipuite nen thawhhona tha tak neih chu an duh ber a nih thu a sawi.
Vathuampui Joint NGO thuchhuah chungchangah engemaw tawngkam inhriatthiam loh leh in man loh vanga hetiang boruak hi awm ni a angaih thu Lt Col. Raju Mondal chuan Central YLA General Secretary hi a hrilh. An thuchhuaha tarlan Harsimrat Singh phei chu a hmunah hian a awm lo hrim hrim a Parva station a chhuahsan lo niin a sawi a, hetiang ang thil thleng thei chungchang ah nidangah chuan an fimkhur lehzual tur thu sawi tel bawk.
Central YLA General Secretary chuan Assam Rifle te chu mipuiin kan thawhpui thatzia tarlangin, nidang zelah fimkhur zual tur leh mipui thawhpui leh thlawp tlak a an hna thawkturin a chah.