Lai Autonomous District Council a Congress leh MNF thawhdunna chu rinawm takin MNF party chuan a kalpui dawn tih MNF Gen Hqrs a Senior Vice President Dr.R.Lalthangliana'n a ti.
Dr.R.Lalthangliana hian vawiin khan Lawngtlai Press Club ah thuthar thehdarhtute kawmin, LADC ah Village Council inthlanpui neihtur leh Lawngtlai Chandmary MDC by election neihtur ah mipuiten ngaihtuahna tak tak an sen tul a tih thu a sawi a, VC inthlanbikah chuan Political Party ang zawnga nataka kal hi khawtlang tan a thaberlo thei tih sawiin, State a rorellai apiang bawh ngawt hi khawtlang tan thil [The Lawngtlai Post] thaber a nihloh theih vangin mipui ten mitha thlangchhuak tura ngaihtuahna fim an hman tul a tih thu a sawi.
Lawngtlai Chandmary MDC by election neihtur ah MNF leh Congress chuan thawhdunna thuthlung siamin MNF Candidate chu Candidate intawm atan pawmin lungrual takin ke an pen tih sawiin, MPCC chungah MNF Sr.Vice President chuan lawmthu a sawi a, LADC ah Congress [The Lawngtlai Post] leh MNF thawhdunna chu Chandmary bial MDC by election chuan a sawidanglam dawnlo tih sawiin, an khingpui ten MNF thlantlin a nih chuan LADC Sorkar ah an thawhpui Congress MDC thlauhthlaa MNF hlang Sorkar piang maitur anga sawi chu MNF rilru puthmang a nilo tih sawiin, MNF Party chuan Congress nen an thawhdunna chu zahtakin vawnghim turin theihtawp a chhuahzel danw a ni a ti.
Dr.R.Lalthangliana hi Dampa bialtu MLA Pu Lalrintluanga Sailo leh Dy.Speaker hlui Pu H.Biakzaua bakah Pu K.Riachho leh MNF Dist. Hqrs Lawngtlai hruaituten an tawiawm.
Tags
News