Lai Autonomous District Council a MDC pakua ten ZPM zawmin vawiin khan ZPM Gen Hqrs a Vice President Pu W.Chhuanawma MLA chuan MDC pakua te hi a lawmlut.
Lawmluhna inkhawm, LADC Hall, Lawngtlai a neih hi Pu H.Lungrualkima Treasurer ZPM Lai District Hqrs. chuan kaihruaiin, Pu W.Chhuanawma chuan LADC ah Sorkarna siamthei an awm mumalloh lai khan ZPM chuan State a rorellai an nih angin LADC ah Sorkarna siamturin hma a lalo tih sawiin, Autonomous District Council zahawmna humhim chu ZPM in a duh vangin Party dangten an Sorkar laia Autonomous District Council a an Party sorkar tir phet an tum thin ang khan ZPM chuan tha a ti tivelo [The Lawngtlai Post] a ti a, MDC pakua laiin ZPM ah rinna nghata an zawm ta chu lawmawm a tihthu sawiin, ZPM chuan Party ah an lawmluh ngailoh thu leh an Policy tawmpuitute chu Policy ah an lawmlut thin niin a sawi bawk
Lai Autonomous District Council a MDC nilai pakua ZPM zawmtute hi kumin April ni 4 a MNF Party chhuahsantute MDC pasarih, Pu Manghmunga Chinzah, Pu T.Lalengmuana, [The Lawngtlai Post]Pu V.Zathanga, Pu BN Thangpuia, Pu Tuturu Singh, Pu L.Lalhmachhuana leh Pu C.L.Lianzuala te bakah Independent MDC pahnih Pu N.Zangura leh Pu L.R.Dingliana Chinzah te an ni.
Elected Member 25 neithei Lai Autonomous District Council ah hian Lawngtlai Chandmary bial ah by election neihtur niin, tun dinhmun ah Elected Member 24 awmin,[The Lawngtlai Post] Congress Member pakhat leh MNF Member 12 ten Congress Member CEM kaihhruaina hnuaiah an Sorkar mek a, vawiin a MDC pakua ZPM zawmte bak ah hian ZPM chuan MDC pakhat a lo neihsa nen MDC 10 neiin, BJP, MDC pakhat awm bawkin eptu lam ah MDC 11 an awm mek.
MDC pakua, lawmluhna inkhawm ah hian Lawngtlai East bialtu MLA, Adviser to Chief Minister Dr.Lorrain Lalpekliana Chinzah, Pu MC Lalramchhana President ZPM Lai Dist. Hqrs bak ah lawmluhte atangin thusawi ngaihthlak a ni.
Tags
News