June 27, 2024, karleh Ningani a Lawngtlai Chandmary MDC by election neihturah inthlanna buaipuitura ruat te vawiin khan DC Conference Hall, Lawngtlai ah inthlanna a an hriattur leh tihtur leh tihloh tur te zirtira, hrilhfiah an ni.
Lawngtlai Chandmary bial MDC Dr.Lorrain Lalpekliana Chinzah chu Assembly inthlanpui ah Lawngtlai East bial ah MLA atan thlantlin a ni a, Chandmary bial a chhuahsan vanga by election hi neih ngai niin, State Election Commission chuan LADC hnuaia Village Council inthlanpui neih rualin Chandmary bial MDC by election hi neihturin a ruahman a, by election a mawhphurtura ruatte hi vawiin khan Pu Collin Hlycho, BDO, Lawngtlai chuan inthlan leh a kaihhnawih ah hriattur pawimawhte zirtirin, hriatthiamloh awmte zawtin sawifiah a ni.
Lawngtlai Chandmary MDC by election neihtur ah hian BJP chuan Pu K.Lalawmpuia, MNF atangin Pu C.Lalsawmzuala, ZPM atangin Pu F.Hrangtukhuma te candidate niin MNF Candidate chu Congress chuan Candidate hran siam lovin an pui dawn tih an sawi.