Kumtina an tih thin angin PWD Lawngtlai Division chuan Lawngtlai khawpui chhunga an enkawl kawngpui kam tihfai leh tuihawk luankawr thianfai hna tunlai hian an thawk mek.
PWD Lawngtlai Division te hian khawpui chhunga an enkawl kawngpui te chu thawmthat ngai thallaiin a theih ang angin an thawm tha a, fur intan dawnin kawngpui kam leh tuihawk luankawr te an thianfai thin a, ruahtui a tlak hnu ah leimin leh bawlhhlawh ten tuihawkluankawr a hnawh te a khattawkin an thianfai reng bawk.
Tunlai hian Lawngtlai khawpui chhungah beihpui thlak lehin kawngpui kam hnimte samfaiin, tuihawk luankawr an thianfai mek a, an thawhtura ruahman tamzawk chu an zo fel tawh.
PWD hotute chuan tuihawk vanga harsatna thleng thei lak ah khawpui a him zawk nan mahni in leh a vel te en uluk tur leh tuihawk luankawr hnawh ping thei zawng a tumah khawsa loturin mipui an ngen.
Tags
News